TINGNAN: Nagningning ang unang gabi ng Philippine Youth Convergence (PYC) sa pagtatanghal ng mga mag-aaral ng MIMAROPA, Palawan National School-Special Program for the Arts, Palawan State University-Singers, at Sining Palawan Dance Troupe ng iba’t ibang ipinagmamalaking pista, awitin, at sayaw ng Rehiyon sa ginanap na Cultural Night sa Puerto Princesa City Coliseum.
Ilan sa mga itinanghal ng mga mag-aaral ay ang Babaylan Dance na ipinapakita ang paraan ng panggagamot ng mga Babaylan at ang Cuyuno Dance o Solteros ng isla ng Cuyo na isang sayaw ng panunuyo o panliligaw.
Samantala, binigyang-kulay naman ng mga delegado ang PYC sa kanilang pagtatampok ng tradisyunal na kasuotan ng kanilang rehiyon.
